طريقة عمل دونتس من صنع إيديكي 2012

طريقة عمل دونتس من صنع إيديكي 2012

مقادير العجينة:

4 كوب دقيق
كوب ماء دافئ
ملعقة كبيرة ملح
ملعقة كبيرة خميرة
2 ملعقة كبيرة سكر
½ ملعقة صغيرة فانيليا
½ ملعقة كبيرة بيكينج باودر
½ كوب زبدة
¼ كوب لبن
زيت للقلي
3 بيضات

للتزيين:

½ كوب سكر بودرة
½ كوب قرفة مطحونة
½ كوب شيكولاتة مبشورة

الطريقة:

1- دوّبي الخميرة في الميه الدافية مع ملعقة كبيرة من السكر، وسيبيها لمدة 5 دقائق علشان تخمر.

2- اخلطي الدقيق مع ملعقة السكر الباقية والبيكينج باودر والملح.

3- ضيفي باقي المقادير الموجودة عندك للخليط السابق واعجنيهم مع بعض لمدة 10 دقائق، وبعد كده ضيفي الخميرة، واستمري في العجن لمدة ربع ساعة علشان كل المقادير تتخلط مع بعضها كويس.

4- حطّي العجينة في صينية مدهونة بشوية زيت، وغطّيها بفوطة لمدة ساعة علشان تخمر وحجمها يزيد.

5- رشّي رخامة المطبخ بالدقيق، وافردي العجينة عليها بسُمك 2 سم، وقطّعيها باستخدام كوباية كبيرة على شكل دوائر، وقطّعي كل دائرة إلى دائرة أصغر باستخدام كوباية أصغر.

6- سيبي العجينة لمدة ربع ساعة علشان ترتاح، وبعد كده حمّريها في الزيت لغاية لونها ما يبقى دهبي، وارفعيها على مناديل ورق علشان تتشرّب أي زيت موجود فيها.

7- زيّني الدونتس بالسكر البودرة أو بالشيكولاتة أو المربى، وبألف هنا وشفا.

طريقة عمل كفتة السمك بالجبنة البارميزان 2012

طريقة عمل كفتة السمك بالجبنة البارميزان 2012

المقادير:

• ½ كيلو سمك فيليه مسلوق ومفروم
• 2 ملعقة كبيرة جبنة بارميزان مبشورة
• 2 بيضة مخفوقة بالملح والفلفل الأسود
• ½ حزمة بقدونس مفرومة
• 3 فصوص ثوم مفرومين
• ثمرة بطاطس مسلوقة
• بصلة متوسطة مفرومة
• ½ كوب بقسماط
• ملح وفلفل أسود
• ½ ملعقة كمون

الطريقة:

1- اخلطي كل المقادير اللي عندك مع بعضها كويس.

2- شكّلي الخليط السابق على شكل دوائر أو صوابع، وحمّريها في الزيت لغاية لونها ما يبقي دهبي.

3- بعد كده ارفعيها على مناديل ورق علشان تتشرّب أي زيت موجود فيها، وقدّميها.. وبألف هنا وشفا.

طريقة عمل خبز البريوش من عمايل إيديكي في شم النسيم 2012

طريقة عمل خبز البريوش من عمايل إيديكي في شم النسيم 2012

المقادير:

• 3 و ½ كوب دقيق
• 3 ملعقة كبيرة سكر
• ملعقة كبيرة خميرة فورية
• ½ كوب زيت زيتون
• ¼ كيلو لبن دافي
• ملعقة صغيرة ملح
• 2 بيضة

الطريقة:

1- في طبق كبير، اخلطي المقادير الجافة مع بعض؛ وهي: الدقيق والخميرة والملح والسكر.

2- اخفقي البيض مع اللبن بالمضرب الكهربي لغاية ما يختلطوا كويس مع بعض، بس خلّي بالك إن اللبن مايبقاش سخن أوي علشان البيض ما يجمدش.

3- ضيفي خليط اللبن والبيض تدريجيا على خليط الدقيق، واعجنيهم مع بعض بإيدك كويس، وبعدين ضيفي زيت الزيتون.

4- اعجني الخليط كله مع بعضه كويس بإيدك، لغاية ما العجينة تتماسك مع بعضها وتتجانس، وبعد كده غطّيها كويس بقطعة قماش نضيفة، وسيبيها على جنب لمدة ساعة أو ساعتين علشان تتخمّر.

5- بعد كده هاتي العجينة وقطّعيها إلى 4 قطع متساوية، وافردي كل قطعة فيهم بإيدك بحيث تدّيكي شكل أسطواني رفيع، وابدئي ضفّريهم مع بعض بإيدك، وممكن تقطّعي العجينة بأي شكل إنتي عايزاه وتشكّليه بالطريقة اللي تحبّيها.

6- حطّي عجينة البريوش في صينية مدهونة بكمية صغيرة من الزيت وعليها طبقة خفيفة من الدقيق وغطّيها كويس، وسيبيها مرة تانية علشان تخمرّ لمدة ساعة ونصف، وبعد كده ادهني وشها بخليط من اللبن والبيض، ودخّليها الفرن على درجة حرارة 180 وسيبيها لمدة 25 : 30 دقيقة، وبعد كده طلّعيها وسيبي البريوش يبرد، وقدّميه.. وبالهنا والشفا.

طريقة عمل فيليه اللحم المشوي والروبيان العملاق والبطاطس 2012

طريقة عمل فيليه اللحم المشوي والروبيان العملاق والبطاطس 2012

المقادير

لفيليه العجل:

150 غراماً من فيليه العجل

10 ملليلترات من زيت الزيتون

غرامان من اكليل الجبل

ملح وبهار، حسب الرغبة

للروبيان العملاق:

150 غراماً من الروبيان حجم جامبو

10 ملليلترات من زيت الزيتون

10 ملليلترات من عصير الليمون الحامض

غرامان من الثوم المطحون

10 غرامات من البصل المفروم ناعماً

ملح وبهار، حسب الرغبة

للبطاطس:

100 غرام من البطاطس المقشرة والمبشورة

10 غرامات من البصل المفروم ناعماً

15 غراماً من الزبدة غير المملّحة

ملح وبهار، حسب الرغبة

للهليون:

100 غرام من الهليون الأخضر

5 ملليلترات من زيت الزيتون

10 غرامات من البصل المفروم ناعماً

غرامان من الثوم الناعم

5 غرامات من الزبدة غير المملّحة

ملح وبهار، حسب الرغبة

لصلصلة اكليل الجبل:

100 ملليلتر من مرق اللحم

غرامان من اكليل الجبل

10 غرامات من البصل المفروم ناعماً

10 ملليلترات من زيت الزيتون

10 غرامات من الزبدة غير المملّحة

ملح وبهار، حسب الرغبة

لصلصة الحمضيات والزبدة:

50 ملليلتراً من عصير الليمون الحامض

50 ملليلتراً من عصير البرتقال

50 ملليلتراً من عصير الليمون الهندي (الجريب فروت)

150 غراماً من الكريما السائلة

75 غراماً من الزبدة غير المملحة

100 غرام من السكر

ملح وبهار، حسب الرغبة

طريقة التحضير

1 لفيليه العجل: يتبل فيليه العجل بالملح والبهار واكليل الجبل وزيت الزيتون قبل يوم واحد من طهوه، ثم يشوى حتى ينضج.

2 للروبيان العملاق: يتبل الروبيان بالمكوّنات المذكورة في مقاديره قبل 5 ساعات من طهوه، ثم يشوى حتى ينضج.

3 للبطاطس: في قدر عميقة، يضاف كلّ من البصل والبطاطس، ينثر الملح والبهار، وتخلط مع بعضها البعض. تضاف الزبدة إلى مقلاة، ثم يوضع خليط البطاطس فيها بشكل دائري وتضغط كقطعة واحدة حتى تأخذ لوناً ذهبياً وحتى النضوج.

4 للهليون: يقلّب البصل والثوم بالزبدة وزيت الزيتون حتى يذبلان، ثم يضاف الهليون لمدة 5 دقائق، وينثر الملح والبهار.

5 لصلصة اكليل الجبل: يشوح البصل واكليل الجبل بزيت الزيتون والزبدة، ثم يسكب مرق اللحم، وتترك هذه المكوّنات حتى تغلي وتصبح متماسكة، وينثر الملح والبهار.

6 لصلصة الحمضيات: تضاف عصائر الليمون والبرتقال والجريب فروت في مقلاة على النار، وحين تغلي ويتقلّص حجمها إلى نصف الكمية، ينثر السكر وتضاف الكريما والزبدة. يدع هذا المزيج على نار هادئة، ثم ينثر الملح والبهار.

7 طريقة التقديم: توضع البطاطس في أسفل طبق التقديم، تعلوها قطعة الفيليه فالروبيان العملاق، ويضاف الهليون ويسكب نوعا الصلصة.

(هذه المقادير تكفي لشخصين)

طريقة عمل الآيس كريم بنكهة الفراولة 2012

طريقة عمل الآيس كريم بنكهة الفراولة 2012

المقادير

· بياض بيضة

· 105 غرامات من السكر

· كوب من الفراولة

مقشّرة ومقطّعة

· كوب من الكريما

طريقة التحضير

1. في الخلاط الكهربائي، يضاف كلّ من بياض البيضة والسكر والفراولة، ويضرب على سرعة عالية لمدة 5 دقائق، وذلك حتى يصبح ثخين القوام.

2. في وعاء ثان، تخفق الكريما حتى تجمد. ثم، تغلف الكريما المزيج الأول.

3. ينقل هذا المزيج، بواسطة الملعقة، إلى وعاء يحفظ في المجمّدة لساعات أربع أو طوال الليل.

(هذه المقادير تكفي لإعداد لتر)

لعيد شم النسيم...طرق مختلفة لعمل الرنجة

لعيد شم النسيم...طرق مختلفة لعمل الرنجة


اقتربت أعياد الربيع والكل يستعد للإحتفال بها وتناول الأسماك المملحة التي تعد عادة قديمة عُرفت لدى القدماء المصريين . إليك طريقة تنظيف أسماك الرنجة وبعض الوصفات التي يمكنك الإستعانة بها كنوع من أنواع التجديد عند عملها وتغيير الطرق التقليدية .
خطوات تنظيف الرنجة :
1- أحضري سمكة من أسماك الرنجة وقومي بقطع رأسها بواسطة سكين حاد .

2- بواسطة السكين قومي بفتح الرنجة من الجانب الذي يوجد به الزعانف .

3- أفرغي محتوياتها الداخلية و تأكدي من تنظيفها جيدا وأنها خالية من الشوائب .

4- انزعي جلد السمكة برفق من أعلى لأسفل .

5- أخرجي الشوك من داخل الرنجة عن طريق استخدام حافة السكين كما هو بالشكل .

6- أنزعي باقي الشوك من الجوانب بيديك .

7- كرري الخطوات على باقي الكمية وضعيها في طبق لتكون جاهزة للإستخدام .

لفائف الرنجة مع الصوص اللذيذ :
 

طريقة عمل شيش الدجاج بالبابريكا والأوريجانو 2012

طريقة عمل شيش الدجاج بالبابريكا والأوريجانو 2012

المقادير :

=====

كيلو صدور دجاج مقطعة مكعبات
ملعقتين بابريكا
ملعقة كبيرة أوريجانو ( زعتر برى ) مجفف
3 فصوص ثوم مهروسين
1/4 كوب زيت زيتون
ملعقة صغيرة ملح
أسياخ خشبية منقوعة فى الماء لفترة

الطريقة :
=====

يمزج الدجاج مع البابريكا والأوريجانو والثوم وزيت الزيتون والملح فى وعاء وتترك لتنقع لمدة ليلة

تغرس قطع الدجاج فى الأسياخ مع ترك مسافة لتمسك السيخ

تسخن شواية (حسب استخدامك) على حرارة عالية ويشوى الدجاج لمدة من 5 - 10 دقائق مع التقليب من حين لآخر حتى تنضج.

طريقة عمل فراخ تندوري 2012

طريقة عمل فراخ تندوري 2012

المقادير:

• كيلو وراك فراخ مغسولة ومنزوعة الجلد
• ملعقة كبيرة بابريكا "هتلاقيها عند العطار"
• ملعقة كبيرة توابل هندي "هتلاقيها عند العطار"
• ثمرة فلفل أخضر مقطّعة قطع صغيرة
• بصلة كبيرة مقطّعة قطع صغيرة
• 2 ملعقة كبيرة عصير ليمون
• قطعة صغيرة زنجبيل طازة
• ملعقة صغيرة كزبرة ناعمة
• ملعقة صغيرة كمون ناعم
• ¼ ملعقة صغيرة كركم
• ½ ملعقة صغيرة كاري
• 5 فصوص ثوم مفرومين
• ملعقة صغيرة شطة
• ملح وفلفل أسود
• كوب زبادي

الطريقة:

1- جهّزي تتبيلة الفراخ؛ بإنك تضربي كل المقادير الموجودة عندك ما عدا الفراخ في الخلاط.

2- هاتي وراك الفراخ، واعملي بها شقوق باستخدام السكينة وده علشان الفراخ تتشرّب التتبيلة كويس.

3- وزّعي التتبيلة اللي عندك على الفراخ، وبعد كده دخّلي الفراخ بالتتبيلة اللي عليها في الثلاجة لمدة يوم كامل، بس خدي بالك إنك تقلّبيها أكتر من مرة؛ وده علشان تتأكّدي إن الفراخ كلها شربت من التتبيلة.

4- رصّي وراك الفراخ في صينية ودخّليها فرن على درجة حرارة متوسّطة، وسيبيها لمدة ساعة ونص أو لغاية ما تلاقيها استوت وبقى لونها دهبي، حطّيها في أطباق التقديم.. وبألف هنا وشفا.

طريقة عمل المايونيز فى المنزل 2012

طريقة عمل المايونيز فى المنزل 2012

المقادير:

3 أصفر بيض.
1/2 لتر زيت زيتون.
1/2 فنجان خل.
1/2 ملعقة مستردة.
1/2 ملعقة عصير ليمون.
1/2 ملعقة صغيرة سكر.
ملح وفلفل أبيض.

الطريقة:

نقوم بخلط صفار البيض فى الخلاط ومع الاستمرار فى الخلط على السرعة المنخفضة يصب الزيت قطرة قطرة، ليبدأ المايونيز بالتشكل، ثم تضاف بعدها المكونات الأخرى (المسترده، ملح، الفلفل) مرة واحدة مع الاستمرار بالخلط، وأثناء إضافة النصف الآخر من الزيت إلى الخلاط يتم إضافة عصير الليمون والخل بالتدريج، بعد تحضير المايونيز، يحفظ فى الثلاجة.

طريقة عمل أومليت السبانخ بالجنبة 2012

طريقة عمل أومليت السبانخ بالجنبة 2012

المقادير:

• 4 بيضات
• 2 ملعقة كبيرة لبن
• 2 كوب أوراق سبانخ مقطّعة قطع صغيرة
• ثمرة فلفل أحمر مقطّعة قطع صغيرة
• ¼ كوب جبنة شيدر مبشورة
• ¼ ملعقة فلفل أحمر حار
• ملعقة صغيرة ثوم مفروم
• ملعقة كبيرة زبدة
• ملح وفلفل أسود

الطريقة:

1- اخفقي البيض كويس مع الملح والفلفل الأسود والأحمر الحار والثوم واللبن.

2- سيّحي الزبدة على نار هادية، وضيفي عليها البيض وسيبيه على النار لمدة 5 دقائق.

3- بعد كده ضيف عليه السبانخ والجبنة وقطع الفلفل الأحمر الحار، وسيبيهم على النار لمدة 5 دقائق أو لغاية ما تلاقي إن البيض استوى والجبنة دابت.. وبألف هنا وشفا.

كيكة البرتقال

كيكة البرتقال 





المقادير 
كوب عصير برتقال + 2 ألا ربع كوب سكر بودرة + فانيليا+ 1ونصف باكو بيكنج بودر+3 كوب دقيق + كوب سمن نباتى+ ربع كوب 
جوز هند+- بشر برتقالة + فانيليا


الطريقة


نخلط السمن مع السكر بالمضرب الكهربائي حتى يتكون لنا خليط كريمي ثم نضيف له الطحين والبكنج باودر وعصير البرتقال والفانيليا ونخلط جيدا ثم نضيف له بشر البرتقال


نحضر صينية وندهنها بالسمنة ثم نرشها بالدقيق 
ثم نضع الخليط كلة فى الصينية
وتدخل الصينية الفرن 
وتوضع فى فرن ساخن ثم نعملة على درجة حرارة متوسطة 
نخرج الكعكه من الفرن ونضع عليها صوص البرتقال


صوص البرتقال
مقادير الصوص:
عصير برتقال يحلى بالسكر حسب الرغبه
قليل من النشا



نضع عصير البرتقال على النار ونضيف له النشا ونخلطه على نار هادئه جدا حتى يثقل الخليط ويتماسك( مع مراعاه سرعه الخلط حتى لا يتكتل الخليط) ونضعه على الكعكه وننتظر لحين تبرد الكعكه ونقطعها ونقدمها..وممكن يرش عليها سكر بودرة بدل الصوص
وتقدم

طريقة عمل جرانيتا الليمون

طريقة عمل جرانيتا الليمون

من مطبخ سلوى

(معنى كلمة جرانيتا يعنى معجون الفاكهة)

المكونات

150 ج ليمون بلدى

150 ج ماء

300 ج عسل

مقدار العسل : كيلو ماء – 750 ج سكر – ليمونة (تعصر الليمونة بعد غليان الماء والسكر )

الطريقة

نضع عصير الليمون وبشر الليمون والعسل فى طبق غويط واضربهم بالمضرب السلك كويس

اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة

رفيعه جدا وندخلها الفريزر لحد ماتجمد حوالى ساعه او ساعه ونص

طريقة عمل كوكتيل الفواكه

طريقة عمل كوكتيل الفواكه 

المقادير

نصف كيلو موز

نصف كيلو جوافة

كيلو لبن

سكر 

كوب عصير رمان

الطريقة 

يقطع الموز والجوافة بعد نزع بذورهم وتخلط مع اللبن والسكر فى الخلاط ثم نأتى بأكواب التقديم ونضع خليط الموز والجوافة ثم فوقها اثنين ملعقة من عصير الرمان ثم نصب خليط الموز فوقها ثم 2 من ملعقة عصير الرمان وهكذا حتى يمتلئ الكوب ويقدم 

بالهناء والشفاء 

طريقة تحضير شراب البرتقال المثلج مع الروزماري!

طريقة تحضير شراب البرتقال المثلج مع الروزماري!
المقادير:

كوب ونصف الكوب من الماء

كوب ونصف الكوب سكر

عودان من الروزماري الطازج

ثلاثة أكواب من عصير البرتقال

ثلث كوب من عصير الليمون.



طريقة التحضير:

1- احضري قدر متوسطة الحجم وضعي فيها الماء والروزماري والسكر ثم ضعيه على حرارة عالية حتى يغلي الماء.

2- قللي الحرارة وقلّبي المحتويات لمدة عشر دقائق ثم ارفعيها عن النار واتركيها تبرد.

3- أضيفي عصير الليمون إلى عصير البرتقال ثم أضيفي خليط الروزماري واستمري في التقليب حتى تمتزج جميع المكونات جيدا.

4- احضري أطباق الآيس كريم ثم ضعي فيها شربات البرتقال والروزماري وضعيها في المجمد لمدة من ساعتين إلى أربع ساعات.

5- زينيه بشرائح البرتقال وقدمي الأطباق إلى عائلتك واستمتعي بالمذاق الرائع.

طريقة عمل أرز بالخضــــار

أرز بالخضــــار 



المقادير ::
2 كوب و نصف من الأرز الأبيض
نصف كوب من البازيلاء
نصف كوب من براعم الذرة
نصف كوب زيت نباتي
نصف حبة فلفل رومي أحمر
2 حبة بصل أخضر
2 ملعقة طعام من صلصة الصويا الخفيفة
3 أكواب من الماء


الطريقهـ ::


يوضع الأرز و الماء في الإناء و يترك على النار حتى يغلي ثم تخفف النار و يترك حتى يتشرب الأرز الماء
تسلق البازيلاء و الذرة و يفرم البصل الأخضر و الفلفل الرومي ثم يحمر في بعض من الزيت ثم يرفع من المقلاة
يقلب الأرز في بعض من الزيت على نار ساخنة و تضاف البازيلاء و الذرة و الفلفل الرومي و البصل الأخضر
توزع صلصة الصويا فوق خليط الأرز بالتساوي و يحرك الخليط جيداَ ثم يقدم ساخناً . 

طريقه عمل مربى الفراولة

مربى الفراولة (الفريز)

الكمية:3-4 أشخاص





لتحضير مرطبان واحد



4 أكواب من الفراولة (الفريز)

3 أكواب من السكّر.





طريقة التحضير



توضع حبات الفراولة (الفريز) في قدر فوق النار، بينما تسخن وتبدأ بالغليان، يضاف إليها السكّر ويستمر المزيج بالغليان لمدة 20 دقيقة. انتبهي ألا يحترق المزيج على النار.

عندما يصبح القطر كثيفاً، يرفع المزيج عن النار ويترك جانباً الى أن يبرد.

يعبأ في قوارير زجاجية أو مراطبين زجاجية وتقفل بالغطاء بشكل محكم.

تعالوا كلوا الطعمية بطريقة سهلة جدا

المقادير


بصله مقطعه صغير -ملح - فلفل اسود – كزبره ناشفة - كمون - قرفه ناعمه - فلفلة خضراء حامية

الطريقة
شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى

سلطة البطاطس الفرنسية

سلطة البطاطس الفرنسية

المقدير:

4 حبات بطاطس

2 ملعقة كبيرة شبت مفروم ناعم

2 عود متوسط بصل الاخضر بس الجزء الاخضر

الصلصة الفرنسية:

1 حبة صغيرة بصل مفروم ناعم

ربع كوب خل ابيض

3 ملاعق كبيرة عصير ليمون

ربع كوب زيت زيتون 

نص كوب زيت ذرة

2 ملاعق معجون المستردة

1 ملعقة صغيرة سكر

1 ملعقة صغيرة ملح

رشة فلفل اسود مطحون

اعداد الصلصة:

نحط البصل والخل وعصير الليمون وننقعه لمدة نص ساعة وبعدها نصفيه ونتخلص من البصل

نضيف الماستر للخليط ونقلب وبعدها نضيف الملح والسكر والفلفل نحفظ الصلصة ببرطمان لمدة يومين بالثلاجة

نسلق البطاطا ونقشرها ونقطعها ونزينها بالشبت (الشمر) والبصل الاخضر ونوزع فوقها الصلصة وتقدم باردة او ساخنة ..............والصلصة تستخدم لعدة انواع من السلطات 

بـعـض الـطــرق لـعـمــل الـفــول

بـعـض الـطــرق لـعـمــل الـفــول


الفول بالزيت و الكمون
:يضاف للفول عصير ليمون و ملح و كمون و زيت(ذرة او زيتون زي ماتحبوا)
الفول بالدقة:تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.


الفول بالسلطة
:تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.
الفول بالطماطم:تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

الفول بالثوم و الطماطم
نقطع فصوص الثوم بالسكين شرائح بالعرض و نقلبها في لسمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
الفول بالباذنجان:لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.

فول بالطحينة
فول مدمس - طماطماية - معلقة كبيرة بقدونس مغسول ومفروم - نص معلقة صغيرة ثوم مهروس - معلقة كبيرة طحينة - معلقة خل - معلقة عصير ليمون - معلقتين كبار زيت - ملح و كمون
الطريقة
سخنى الفول واهرسية بالشوكة وقطعى علية الطماطماية قطع صغيرةضعى فى طبق الطحينة والخل والزيت والثوم و البقدونس واخلطيهم كلهم مع بعض وبعدين ضعيهم على الفول وتبلى بالملح والكمون

فول بالفلفل الاخضر
فول مدمس _ نص معلقة صغيرة ثوم مهروس - واحدة فلفل رومى - كوب عصير طماطم - ملح وفلفل وكمون - 2 معلقة زيت
الطريقة
ضعى الزيت على النار وحمرى فيه الثوم لحد ما يصفر ضعى علية عصير الطماطم وخليها على النار لحد ما تتسبك ثم ضعى الفول وشوية مياة صغيرين قطعى الفلفل مكعبات صغيرة وضعية على الفول و تبلى بالملح والكمون يغلو غلوة مع بعض

البصارة
المقادير
نص كيلو فول مدشوش
3 حزمة بقدونس_ حزمة كسبرة خضراء
1 بصلة كبيرة او بصلتين متوسطين
1 رأس ثوم ملح، فلفل أسود كمون، نعناع ناشف
للتقلية :
ثوم، كسبرة ناشفة ، عصير ليمونتين ،زيت
الطريقة
نغسل الخضرة كويس و نخرطها بالسكينة
نسلق الفول والبقدونس والكزبرة مع البصل والثوم مع بعض فى ماء حتى يستوي تماماً ويتهري.
وممكن تسوى فى حلة الضغط (البرستو)وممكن لو عازت ماء نضيف لها
نستنى لما تبرد شوية و نضربها فى الخلاط ونرجعها على النار تانى .
نحط لها بقى الملح والفلفل الأسود والكمون والنعناع ونسيبها لحد ماتغلى
نكون عملنا التقلية نضع الزيت على النار حوالى 3 معالق ثم اضع الثوم المهروس لحد ما يصفر ثم اضع الكزبرة الناعمة الناشفة.
بعد ماتجهز خدى منها شوية و حطيها فى البصارة قبل ما تغرفيها فى الاطباق مع تقليبة ثم اضع عصير ليمونة كبيرة او ليمونتين و اطفى النار على طول .
بعد مانغرف البصارة فى الاطباق نضع باقى مقدار التقلية على وش الاطباق
*******************
طريقة اخرى للبصاره
يسلق نص كيلو فول مدشوش بس بعد ما يكون منقوع حوالي ساعتين عشان يتسلق بسرعه

.. وبعد كدة يعمل له دقه بملعقه كبيره ثوم مع ملعقه كبيره كمون وشوية شطه وده في الكبه ويوضع ملح بعد الفول ما يستوي ..
ويوضع ملوخيه ناشفه وتكون ناعمه .. حوالي أقل من كوب ..
نرش ونقلب لغاية ما تعطيكي لون حلو للبصاره..
وبعدها نعمل تقليه ببصله كبيره مبشوره أو مقطعه جوانح مع أقل من نص كوب زيت ذره ..
ولما البصله تتحمر بني غامق .. نحط الزيت علي البصاره وأحتفظ بالبصل لتجميل وجه الطبق يبقي كده البصاره خلصت بس لسه عاوزه تتصفي ..
أستني عليها لما تبرد وتخلط في الخلاط وتصفي بمصفاه سلك..
ونرجع نغليها غلوه عشان تضبط القوام بتاعها .. لوكان تقيل نزيد ميه ولو خفيف نغليها شويه .. ونضبط الملح كمان نفرغها في أطباق ونرش علي الوجه البصل المحمر وبقدونس وممكن صنوبر محمر.

الطعمية 
نص كيلو فول (مدشوش) - بصلة متوسطة مقطعة - معلقة صغيرة ثوم - نص كوب كزبرة خضراء وشبت - ½ كوب كرات
1 معلقة صغيرة كزبرة ناشفة - ½ معلقة صغيرة بيكربونات صودا - معلقة صغيرة ماء ملح- شطة - ربع معلقة كمون مطحون - سمسم للتزيين - زيت للقلي
الطريقة:
يغسل الفول وينقع لمدة 12 ساعة مع تغيير الماء كل ساعتين يشطف الفول جيداً ويصفى من الماء
تخلط الخصروات مع الفول.
ثم تفرم سواء بمفرمة اللحم او الكبة مرتين لحد ما ينعموا خالص
نذوب بيكربونات الصودا في الماء وتضاف إلى العجينة
ثم نضع الملح والشطة و الكزبرة و الكمون وتقلب جيدا يوضع الزيت في مقلاة على نار متوسطة.
نعمل عجينة الطعمية أقراص صغيرة بمعلقتين او بالة الطعمية المخصوصة ونحط وش الطعمياية فى السمسم وتقلى في الزيت لحد ما تستوى وتنشف
ملحوظة
اذا كنتى حتشيليها فى كيس نايلون فى الفريزر ومش حتحمريها يبقى ماتحطيلهاش البيكربونات ( يعنى تحطيها وقت ماتكونى حتحمريها بس )

الطعمية المحشية 
بصله مقطعه صغير - ملح - فلفل اسود – كزبره ناشفة - كمون - قرفه ناعمه - فلفلة خضراء حامية
الطريقة
شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى 

طريقة عمل برجر نباتى

طريقة عمل برجر نباتى 

المقادير:

360 جرام دقيق الصويا

1/2 كوب زيت

شريحة خبز

1/4 كوب بصل مقطع إلي أجزاء صغيرة

الطريقة:

- تقطع شريحة الخبز إلي أجزاء صغيرة ثم توضع في الخلاط الكهربائي.

- يضاف إلي الخبز باقي المكونات وتخفق جيداً.

- تشكل إلي ستة قطع تشبه البرجر في شكلها.

- يصهر الزيت في إناء فوق النار لتحمير قطع البرجر فيها مع التقليب علي كلا الجانبين حتى تكتسب اللون البني (حوالي 5 دقائق لكل جانب)، ويمكن شيها أيضاً.

- يقدم البرجر ساخناً بعد إضافة التوابل له.